01
Böyük iş təcrübəsi
02
Fərdi yanaşma
03
Dəqiq vaxt
Razı müştərilər
Proyekt
İş saatı
İl təcrübə
Xidmətlər
Motion Dizayn
Loqoların animasiyası, 2D videoların və hərəkətli postların hazırlanması
Qrafik Dizayn
Loqo, brendbuk, buklet, kataloq, kitab, flayer, plakat, poster və çöl reklamlarının dizaynının hazırlanması
Brendinq
İmicinizə uyğun firma blankları, vizit kartları, markalı zərflər, qovluqlar və digər brend atributlarının dizaynı hazırlanır
Qablaşdırma Dizaynı
Məhsulunuz üçün standartlara uyğun qablaşdırma dizaynının hazırlanması
Vebsaytların hazırlanması
Sadə, funksional və e-ticarət saytlarının hazırlanması, mövcud saytların redizaynı, (24/7) texniki idarəetmə xidməti
Onlayn dizayn kursları
Onlayn qrafik və motion dizayn kursları. Kursların müddəti 3 ay, həftədə 2 dəfə, 1.5 saat davam edir
Portfolio
Burada icra etdiyimiz işlərin bir qismi təqdim olunub
- Ümumİ
- Vebsayt
- Motion
- Kataloq
- Reklam İşlərİ
- Loqo
- Brendİnq
- Qablaşdırma
- SMM
Maraqlı məlumatlar
Qrafik dizayner nə edir?
Şəhərin istənilən yerində dayanıb ətrafa diqqətlə baxsanız, hər yerdə qrafik dizaynerin işlərinə rast gələcəksiniz. Mağaza lövhələri, reklam bannerləri, flayerlər, elanlar, hətta qəhvə fincanındakı loqo – bütün bu vizual elementlər dizaynerin işidir. Bu yalnız küçə ilə məhdudlaşmır. İnternetdə də — sosial şəbəkələrdə, onlayn bazarlarda və müxtəlif vebsaytlarda gördüyünüz bütün vizual dizaynlar, sosial media paylaşımlarından və hekayələrdən tutmuş məhsul kartlarına qədər — hamısı qrafik dizaynerin işinin nəticəsidir. Bu da dizaynın nə qədər geniş və inkişafda olan bir sahə olduğunu göstərir.
Dizayner yalnız gözəl yaratmalı deyil!
Gözəllik — subyektiv anlayışdır. Bu gün qrafik dizayner peşəsi çox yayılıb, amma hələ də bir çox insan onun əsl mahiyyətini tam anlamır. Qrafik dizayn sadəcə gözəl şəkil yaratmaq deyil.
Söhbət funksionallıqdan, satışdan, istifadəçi rahatlığından, analitikadan və vizual cəlbedicilikdən gedir. İnsanların ehtiyacları və məqsədləri var. Qrafik dizayner bu məqsədləri birləşdirir və istifadəçini hədəfə doğru yönəldir.
Bütün bunlar isə vizual dizaynın gücü ilə baş verir.
Qrafik dizayn sənətdir, amma təkcə istedada bağlı deyil
Hər bir insanın müəyyən istedadı var. Bu sahədə də istedadın rolu inkar olunmur. Amma qrafik dizayner olmaq üçün təkcə istedad kifayət etmir — təcrübə, bilik və bacarıq bu işdə həlledici rol oynayır. Əgər bu keyfiyyətlər üzərində çalışsanız, istedadsız da uğurlu dizayner ola bilərsiniz. Əksinə, yalnız istedadla yaxşı dizayner olmaq mümkün deyil. Təcrübə və bilik olmadan uğur da davamlı olmayacaq. Dizaynın gözəl görünməsi hər şey demək deyil. Əgər o, satış yaratmır, istifadəçini cəlb etmir və funksional deyilsə — məqsədinə çatmır. İdealdan kənara çıxmaqdan çəkinməyin. İnkişaf — dəyişikliklə gəlir. İnsanlar zamanla dəyişir və böyüyür. Qrafik dizaynerlər də bu prosesin bir hissəsidir – davamlı öyrənməli və yenilənməlidirlər.
Motion dizayn nədir?
Motion dizayn (ing. motion design; motion — hərəkət, design — dizayn) — qrafik dizayn prinsiplərinə əsaslanaraq hərəkətli qrafiklərin yaradılması prosesidir.
Bu sahə əsasən film istehsalı, video prodakşn və digər vizual media növlərində tətbiq olunur.
Motion dizayna misal olaraq: film və serialların giriş səhnələri, reklam çarxları, video oyun interfeysləri, mobil tətbiqlərdəki animasiyalar, televiziya üçün hazırlanmış 3D loqolar və kinetik tipoqrafiya göstərilə bilər.
Bu sahə statik dizaynı hərəkətə gətirərək vizual mesajları daha effektiv və cəlbedici formada çatdırmağa imkan yaradır.
Tərəfdaşlar
